Дьокуускай үс олохтооҕо дьону уоруу иһин буруйданнылар
![](https://sakha-sire.ru/wp-content/uploads/2024/05/img_4253-418x320-1-900x596.jpeg)
Дьокуускай куорат Саха сиринээҕи Силиэстийэлиир кэмитиэт управлениетын отделын хомуйбут матырыйаалларынан, киин куорат үс олохтооҕо дьону уорбут дьайыыларыгар бириигэбэри таһаарарга быһаарыы ылылынна.
Силиэдэбэтэл уонна суут быһаарбытынан, 2021 сыл сайыныгар сууттанааччылар хара санаалаах сөбүлэһиигэ киирэннэр, үс эдэр киһини уорбуттар, ол иһигэр биир кыыс оҕону. Дьону уоруу үбү-харчыны ыларга уонна эт-хаан өттүнэн эчэйиини оҥорорго сыалламмыт.
Уоруллубут дьону буруйдаахтар гарааска хаайан олордубуттар. Кыыс буруйдаахтар көрбөттөрүнэ туһанан, социальнай ситимнэринэн чугас дьонугар тыллаабыт.
Икки буруйдаахтар суутунан 11 уонна 12 сылга кытаанах эрэсиимнээх холуонньаҕа көҥүллэрэ быһылынна. Үһүс сууттанааччы буруйу оҥоруу кэмигэр сааһын ситэ илик буолан, уопсай эрэсиимнээх холуонньаҕа 5 сылга хайыллыаҕа.
Сообщить об опечатке
Текст, который будет отправлен нашим редакторам: