Дьокуускайга 90 тыһ. солк. суумалаах мопеды уорбут оҕону туттулар
![](https://sakha-sire.ru/wp-content/uploads/2024/05/vms_4746-960x640-1-900x596.jpg)
ИДьМ 3 №- дээх полициятын дьуһуурунай чааһыгар маҕаһыын хаһаайына маҕаһыынын иһиттэн 90 000 солк. суумалаах мопеды уорбуттарын туһунан сайабылыанньа суруйда. Бу туһунан Саха сиринээҕи ИДьМ пресс-сулууспата суруйар.
Сайабылыанньа суруйааччы быһаарыытынан, быһылаан тахсыбыт күнүгэр маҕаһыын аана хатамматах. Полицейскайдар суһал-көрдүүр дьаһалларын уорбаланааччы 15 саастаах оҕо буоларын быһаардылар.
Силиэстийэ түмүгүнэн, оҕо эрдэтинэ маҕаһыынтан мопеды уорарга быһаарыммыта билиннэ. Түүн уорбаланааччы олбуору үрдүнэн маҕаһыыҥҥа киирбит уонна мопеды үтэн таһааран, миэстэтиттэн куоппут. Уорбут тырааныспарын хаалларарга, бэйэтин наадатыгар туһанарга былааннаабыт. Мопеды маҕаһыын хаһаайыныгар төнүннэрдилэр, РФ Холуобунай Кодексынан холуобунай дьыала тэрилиннэ.
Сообщить об опечатке
Текст, который будет отправлен нашим редакторам: