Дьуһуурунай борокуруор: киин куоракка киһини өлөрүү бэлиэтэммит
![](https://sakha-sire.ru/wp-content/uploads/2024/07/whatsapp-image-2023-06-15-at-14.14.53-1060x596-1-e1712628198454-1.jpeg)
Ааспыт сууккаҕа Саха сиригэр 5 буруйу оҥоруу регистрацияламмыт. Бу туһунан СӨ Борокуратууратын пресс-сулууспата суруйар.
Дьокуускайга эр киһини өлөрбүттэринэн холуобунай дьыала тэрилиннэ, 1990 с.т. уорбаланааччы тутулунна. Киин куоракка харчы былдьаабыттар, ону кытта түөкүттэр баан үлэһитэ буолан кубулунан 400 тыһ. солк. уорбуттар.
Дьокуускай балыыһатыгар Кузьмин аатынан уулуссаттан балконун иһиттэн 4 этээстэн сууллубут 1994 с.т. эр киһини киллэрдилэр. Киһи өлүүлээх суол быһылаана регистрацияламматах. Киин куоракка Лермонтов уонна Октябрьскай уулуссалар быһа охсуһууларыгар «Тойота Филдер» уонна «Шинерай» матасыыкыл харсыста. 1976 с.т. матасыыкыл суоппара араас эчэйиилээх балыыһаҕа киирдэ.
Суукка иһигэр барыта итирик туруктаах 14 суоппар тутулунна.
Сообщить об опечатке
Текст, который будет отправлен нашим редакторам: