Эдьигээн улууһун баһылыга уонна кини бастакы солбуйааччыта сокуоннайа суохтук бириэмийэ ылбыттар

Тохсунньу 22 күнүгэр Булуҥ оройуоннааҕы суута Эдьигээн улууһун баһылыгыттан Василий Сорокинтан уонна кини бастакы солбуйааччытыттан олохтоох бүддьүөт дохуотугар 400 тыһыынча солкуобайтан тахса сокуоннайа суохтук ылыныллыбыт бириэмийэни ирдээтэ. Бу туһунан Саха сирин сууттарын пресс-сулууспата иһитиннэрэр диэн СИА суруйар.

2022 сыл түмүгүнэн Эдьигээн улууһун баһылыгын бастакы солбуйааччыта оройуон дьаһалтатын үлэһиттэрин бириэмийэлиир туһунан дьаһалы оҥорбут, ол иһиггэр салайааччыга эмиэ. Оройуоннааҕы дьокутааттар сэбиэттэрэ баһылыгы бириэмийэлээһин туһунан туох даҕаны быһаарыныыны ылымматаҕын үрдүнэн маннык дьаһал барбыт диэн иһитиннэрэрллэр.

Ол түмүгүэр бастакы солбуйааччы 160 950 солкуобайынан бириэмийэлэммит, оттон баһылык — 252 300 солкуобай. Суут дьыала матырыйаалларын көрөн баран сокуоннайа суохтук бириэмийэ бэриллибитин туһунан аахпыт. Суут быһаарыныыта сокуоннай күүһүгэр киирэ илик.