Өрөбүллэргэ магнитнай буурҕа түһэрэ сылыктанар

Күүстээх магнитнай буурҕа атырдьах ыйын 3 киэһэтигэр уонна сарсыарда 4 күннэригэр түһэрэ күүтүллэр.

Ол туһунан РАН космическай чинчийэр институт күн астрономиятын лабораториятын уонна РАН Сибиирдээҕи отделениетын күн уонна сир физикатын институтун саайтыгар иһитиннэрдилэр.

Бүгүн, аырдьах ыйын 3 күнүгэр, киэһэ  18.00 чаастан 00.00 чааска диэри 5 баллаах күүстээх магнитнай буурҕа түһэрэ сылыктанар.

Бэлиэтээн эттэххэ,  күҥҥэ магнитнай эстиилэри рентген сардаҥаларын күүһүттэн кыамтатыттан көрөн, биэс кылаастарга араараллар. Күҥҥэ эстиилэр кылаастарынан 10 төгүл улаатан иһэллэр. Бу дьайыылар ийэ сиргэ магнитнай буурҕалары үөскэтэллэр.

Күүстээх магнитнай буурҕа кэмигэр сүрэх-тымыр ыарыылаах дьон дабылыанньалара түһүөн-тахсыан, доруобуйалара мөлтүөн сөп. Онон бу күннэргэ бэйэни кэтэнэн көрөн, ноҕуруускаламмакка сылдьыахха наада. Маны тэҥэ, араадьыйа, сибээс, сир аргыстарын үлэлэригэр харгыстар тахсыахтарын сөп.