Хаартыска: Үөһээ Бүлүүгэ Өлүөнэ очуостардаах күрүө баар

Үөһээ Бүлүү нэһилиэгэр Авиатордар уулуссаларыгар олорор Алексей Федоров күрүөтүн Өлүөнэ очуостара быһыылаах оҥорбут. Бу туһунан «Үөһээ Бүлүү» хаһыат телеграм-ханаала иһитиннэрэр.

Күрүө таһыгар байыаннай дьайыы кыттыылаахтарыгар анаан хаар оҥоһук баарын үгүс киһи уйадыйа көрөр эбит. «Оҥоһугу Ньургустаан Бойтунов оҥорбута, иккиэн толкуйдаабыппыт. Үс күн устата оҥорбуппут. Дьон кэлэн хаартыскаҕа түһэр, саҥата суох көрөн турар буолар. Бу хаар муннук иллээх-эйэлээх олох иһин туруулаһа сылдьар хоодуот уолаттарбытыгар, сырдык тыыннарын толук уурбут хаарыан ыччаттарбытыгар ананар», — диэн Алексей Федоров этэр диэн иһитиннэриигэ суруйаллар.