Олоҥхону истэ кэлиҥ!

Кыстык хаарбыт түстэ, кыһыммыт кэллэ. Өбүгэлэрбит бу кэмҥэ балаҕаннарыгар мустан, олоҥхону истэн, саха тылын баайын-дуолун иҥэринэллэрэ, олоҥхо омуннаах оонньуутун харахтарыгар оҥорон көрөллөрө. Бу кинилэргэ тэлэбиисэри да, интэриниэти да солбуйара… Төрүт үгэһинэн толоруллар тэттик олоҥхону истиэххин баҕараҕын дуо?

Олоҥхо тыйаатыра сэтинньи 3 күнүгэр киэһэ 6 чааска Аан дойдутааҕы Хай-Мөрий бэстибээл III истиэпэннээх лауреата (Хакассия, 2018), Олоҥхо ыһыаҕын III истиэпэннээх лауреата (Өлүөхүмэ, 2021), Олоҥхо ыһыаҕын I истиэпэннээх лауреата (Өймөкөөн, 2023) Василина БАЛАНОВА аатырбыт олоҥхоһут Н.П. Бурнашев-Боодьоҕос “Кыыс Дэбилийэ” олоҥхотунан “КЫЫРАЙ ХАЛЛААН КЫЫҺА” тэттик олоҥхотун төрүт үгэһинэн толоруутун истэргитигэр, мааны астаах сандалы тула олорон, олоҥхо алыптаах эйгэтигэр ыалдьыттыыргытыгар ыҥырар!
Буолар сирэ: Петр Алексеев уулуссата, 49/1, “Дорҕоон дойду” айар түмсүү түһүлгэтэ (киириитэ — Лермонтов уулусса өттүнэн). 

Билиэт сыаната 1000 солк.  Олоҥхо тыйаатырын саайтыгар атыыланар  https://olonkhotheater.ru/