Саха сиригэр Сибиир, Урал, Уһук Илин федеральнай уокуруктар уонна Москва куорат сүүмэрдэммит хамаандалара кэллилэр

Сибиир, Урал, Уһук Илин федеральнай уокуруктар уонна Москва куорат сүүмэрдэммит хамаандаларын эдэр атлеттара VIII «Азия оҕолоро» спортивнай оонньууларга бэлэмнэрин биллэрдилэр.

-Күрэхтэһиигэ сөтүөҕэ кыттабын, кыайыыны ситиһэргэ бэлэммин. «Азия оҕолоро» спортивнай оонньуу кыттыылаахтарыгар эҕэрдэ уонна ситиһиилэри!, — диэн Урал федеральнай уокуругун сүүмэрдэммит хамаандатын чилиэнэ Настя Ляхова эҕэрдэтин тиэртэ. Эдэр атлеттары спортсменнар олорор дэриэбинэтигэр олохтоотулар.

Санатан эттэххэ, «Азия оҕолоро» оонньуу аһыллыытын сиэригэр- туомугар сарсын, бэс ыйын 26 күнүгэр киэһэ 19:00 чаастан көрөөччүлэри үс чаастаах бырагыраама күүтэр: спортсменнар уонна судаарыстыбалар былаахтарын дэлэгээссийэлэрин параада, вокальнай уонна хореографическай нүөмэрдэр, ону тэҥэ биллэр артыыстар кыттыахтара.

РФ Бэрэсидьиэнэ Владимир Путин «Азия оҕолоро» оонньуулары оҕо спортивнай успуордун эйгэтигэр саамай кэрэхсэбиллээх уонна табыллыбыт бырайыагынан ааҕар. Ил Дархан Айсен Николаев «VIII норуоттар икки ардыларынааҕы спортивнай оонньуулар норуоттар икки ардыларынааҕы биир бөдөҥ тэрээһининэн буолан, үрдүк таһымҥа ыытыллыаҕа» диэн бэлиэтээбитэ.

Улахан спортивнай тэрээһин бэс ыйын 25 күнүттэн от ыйын 7 күнүгэр диэри буолуоҕа.