Сунтаардар байыастарга аналлаах хаххалыыр сиэккэни оҥороллор

Буойуннар дьиэ кэргэттэрин Сунтаардааҕы кэмитиэтэ тэрийиитинэн байыаннай дьайыыга сылдьар биир дойдулаахтарыгар гуманитар­най көмөнү хомуйуу ыытыллар. Манна элбэх тэрилтэ, биир­диилээн дьон кыттыстылар, диэн «Сунтаар сонуннара» суруйар.

Киирбит таҥаһы-сабы, туттар тэрили барытын ааҕан-суоттаан, учуоттаан туран, бастакы баартыйаны Дьокуускай куоракка ыыттылар. Сылаас, сайыҥҥы күннэргэ табыгастаах таҥаһы-сабы, туттар тэрили хомуйуу атырдьах ыйыгар диэри салҕанар.

Оттон бу ый 29 күнүттэн «Партизан» НАТК балаҕаныгар хаххалыыр сиэк­кэни оҥоруу буолар. Манна ким баҕарар кэлэн, байыастарга олус наадалаах сиэккэни оҥорууга кыттыһыан сөп.

«Сиэккэни сатаан оҥоруохпут суоҕа диэн куттанымаҥ, балаҕаҥҥа тиийдэххитинэ тутана көрдөрөн, үөрэтэн биэ­риэхтэрэ. Онон, бэнидиэнньиктэн сарсыарда 11 чаастан киэһэ алтаҕа диэри кэлэн сиэккэтэ оҥорсуҥ. Элбэх сиэккэни оҥорор былаан баар. Онон ким илимнээх, манна туттул­лар матырыйааллаах эбии аҕалыаххытын сөп», — диэн тэрийээччилэр ыҥыраллар.