УФСИН үлэһиттэрэ уонна кинилэр дьиэ кэргэттэрэ  “Биһиги иллээх дьиэ кэргэммит” хаартысканан быыстапкаҕа кытыннылар

Ю.А. Гагарин аатынан Култуура уонна аныгы ускуустуба киинигэр Дьиэ кэргэн, таптал уонна эрэл күнүгэр аналлаах “Биһиги иллээх дьиэ кэргэммит” хаартысканан быыстапка буолла.

Манна холуобунай-толорор тиһик үлэһиттэрэ уонна кинилэр дьиэ кэргэттэрин дьоно кыттыыны ыллылар.

Ол курдук, ааптардар хаартыскаларыгар бу тэрилтэ дьиэ кэргэттэрин үгэстэрин, умсугутуулаах айаннарын, суолталаах күннэрин, ону таһынан кинилэр олохторун ураты уонна уйадытар түгэннэрин сатаан табан түһэрбиттэр.

Санатан эттэххэ, маннык тэрээһиннэр дьиэ кэргэн сыаннастарын сайыннарарга уонна бөҕөргөтөргө туһаайыллан ыытыллаллар, диэн суруйар Саха сиринээҕи УФСИН пресс-сулууспата.