Владимир Путин: “Хаһан эрэ биир санааҕа кэлиэхпит”

“Ханнык баҕарар иирсээн, байыаннай иирсээн, түмүгэ дипломатияҕа тиийэр, биһиги Украинаны кытары сирэй көрсөн кэпсэтэртэн хаһан да аккаастамматахпыт”, — диэн бэлиэтиир РФ бэрэсидьиэнэ Владимир Путин сыл түмүгүн таһаарарыгар.

Владимир Путин этэринэн, Украина Арассыыйаны кытары биир остуол тула олорон кэпсэтэртэн куотунар.

— Ханнык баҕарар иирсээн кэлин тиһэҕэр дипломатическэй кэпсэтиилэринэн түмүктэнэр. Биһиги онтон хаһан да аккаастамматахпыт. Төттөрүтүн Украина салалтата бэйэтэ бэйэтигэр хааччах оҥостон олорор. Ол да буоллар хаһан эмэ син биир биир түмүккэ, санааҕа кэлиэхпит, кэпсэтиэхпит дии саныыбын. Төһөнөн эрдэ ити кэпсэтии буолар да, оччонон үчүгэй, — диэн этэр кини.

Бэрэсидьиэн анал байыаннай эпэрээссийэ  туһунан этэригэр бу миэрэлэри Арассыыйа хайаатар да ылыныахтаах этэ диэн бэлиэтиир.

— Анал байыаннай эпэрээссийэни ыытарга күһэллибиппит. Бу миэрэлэр булгуччу ыытыллыахтаах этилэр. Анал эпэрээссийэнэн биһиги 2014 сыллаахтан саҕаламмыт иирсээни тохтото сатыыбыт. Арҕааҥҥы дойдулар ол туһунан истиэхтэрин да баҕарбаттар. Биһиги байыаннайдарбытыгар, саллааттарбытыгар, офицердарбытыгар, байыастарбытыгар махтаныах, кинилэринэн киэн туттуох тустаахпыт, — диэн этэр Владимир Владимирович.