Владимир Путиҥҥа Арассыыйа олохтоохторо 87 бырыһыантан тахса куолаһы биэрдилэр

Арассыыйа бэрэсидьиэнин быыбара түмүктэннэ. Барыллаан ааҕыынан, Владимир Путин 87,17 бырыһыан куолаһы ылан, дойдубут өссө төгүл биир сомоҕо буолан, иннин диэки хардыылаан иһэрин көрдөрдө.

Владимир Путин туһатыгар Арассыыйа олохтоохторо, барыллаан ааҕыынан, 87,26 % куоластарын биэрдилэр. Бу иннинэ Владимир Владимирович 2018 сыллаахха куоластааччыларын 76,69 % ылбыта.

Эрэгийиэннэринэн ылан көрдөххө, дойдубут киин куоратыгар Москваҕа Владимир Путин туһатыгар, барыллаан ааҕыынан, 89,1 % куолаһы биэрбиттэр. Саҥа эрэгийиэннэргэ Донецкай Народнай Өрөспүүбүлүкэтигэр – 95,23 %, Луганскайга – 94,12 %, Запорожьеҕа – 92,95 %, Херсоҥҥа – 88,12% бырыһыаны ылбыт.

Уһук Илиҥҥи эрэгийиэннэргэ Саха сирэ Владимир Путиҥҥа 87,79 % куоластаата. Камчаткаҕа кини туһатыгар – 84,16 %, Чукоткаҕа – 90,49 %, Хабаровскайга – 80,06 %, Бурятияҕа – 87,98 %, Амур уобалаһыгар – 86,97%, Сахалиҥҥа – 85,78 %, Забайкальеҕа – 87,71%, Еврей автономнай уобалаһыгар – 92,35 %, Приморьеҕа — 87,84 %, Магадаҥҥа —  84,89% быыбардаабыттар.

“КПРФ” баартыйаттан турбут Николай Харитонов – 4,19 %, “Новые люди” баартыйа кандидата Владислав Даванков – 4,08 % уонна “ЛДПР” Леонид Слуцкай – 3,15% ыллылар. Бу барыллаан ааҕыылар. Быыбар киин хамыыһыйата түмүгү бүгүн, кулун тутар 18 күнүгэр, иһитиннэриэҕэ.