Үөһээ Бүлүүгэ ойуур баһаарыгар буруйдаах 500 тыһ.солк. төлүөҕэ

Үөһээ Бүлүү Борокуратуурата таһаарбыт быһаарыытынан ойуур баһаарыгар уорбаланааччы буруйдааҕа дакаастанан үгүөрү суумалаах харчынан ыстаараап ирдэниэҕэ.

Бу сыл ыам ыйыгар буруйданааччы Үөһээ Бүлүү улууһун Мэйик нэһилиэгин чугас учаастагар сылдьан оту өртөөбүт. Уоту сэрэҕэ суохтук туттуу түмүгэр уот тыаҕа көспүт уонна 6 гектар иэннээх ойуур уокка былдьаммыт.

Эр киһи Административнай буруйу оҥоруу Кодексынан административнай эппиэтинэскэ тардылынна уонна 5000 солкуобай кээмэйдээх ыстараап ананна. Онуоха ойуур баһаарын буруйдааҕа ойуур баһаарын умуруорууга  ороскуоттамыт үбү-харчыны толуйбатах. Итинэн сибээстээн, Борокуратуура ирдэбилинэн, эр киһиттэн эбии 500 000 солк. ирдэниэҕэ. Суут быһаарыыта сокуоннай күүһүгэр киирэ илик диэн СӨ Борокуратууратын пресс-сулууспата суруйар.