Үөһээ бүлүүлэр баһаарга сылдьар дьонноругар аһынан көмөлөһөллөр
![](https://sakha-sire.ru/wp-content/uploads/2024/07/photo_5265109484165005691_y-900x596.jpg)
Өрөспүүбүлүкэ үрдүнэн Абый, Үөһээ Бүлүү уонна Дьааҥы улуустарыгар ойуур баһаардара нэһилиэнньэлээх пууннарга ыкса чугаһаан уоту утары охсуһуу күүскэ барар.
Ойуур баһаара турбут улуустарын олохтоохторо туора туран хаалбакка, туох кыалларынан көмөлөһөргө дьулуһаллар.
Үөһээ Бүлүүтээҕи «Үөһээ Бүлүү» ас-үөл кэмбинээтэ ойуур баһаардарын умуруора сылдьар бөлөхтөргө бэйэтин көмөтүн ыытта. Бүгүн көмө баһыылканы улуус тыатын хаһаайыстыбатын салайааччыта Кирилл Гаврильев «Якутлесресурс» тэрилтэ Үөһээ Бүлүүтээҕи филиалын салайааччыта Алексей Захаровка туттарда.
Ол курдук, ойуур баһаарын утары охсуһа сылдьар дьоҥҥо 5 лиитэрэлээх 20 устуука морс, 5 лиитэрэлээх 10 устуука иһэр уу, 4 куул мокоруон уонна 2 дьааһык сироп көмө быһыытынан ыытылынна диэн Үөһээ Бүлүү улууһун дьаһалтатын пресс-сулууспата иһитиннэрэр.
Сообщить об опечатке
Текст, который будет отправлен нашим редакторам: