Ыйааһыны хонтуруоллуур көһө сылдьар пууну “Халыма” суолугар туруоруохтара

Саҥа пуун балаҕан ыйын 16 күнүттэн алтынньы 11 күнүгэр диэри үлэлиэҕэ.

Балаҕан ыйын 16 күнүттэн алтынньы 11 күнүгэр диэри “Халыма” Р-504 федеральнай массыына суолун 477+503 км учаастагар ыйааһыны хонтуруоллуур көһө сылдьар пууну туруоруохтара, диэн иһитиннэрэр ФКУ «Бүлүү» суол управлениетын пресс-сулууспата.

Ыйааһын хонтуруола массыына суола чөл турарын хааччыйыаҕа итиэннэ тырааныспарынан таһаҕаһы таһыы быраабылатын хонтуруоллуур уонна кэтээн көрөр аналлаах.

Бу үлэни ФКУ «Бүлүү» суол управлениета Госавтоинспекция уонна Ространснадзор бэрэстэбиитэллэрин кытта бииргэ ыыталлар.