Юрий Трутнев Магадаан уобалаһыгар үлэлиэҕэ

Бырабыыталыстыба Бэрэссэдээтэлин солбуйааччы — РФ Бэрэсидьиэнин Уһук Илин ФУо боломуочуйалаах бэрэстэбиитэлэ Юрий Трутнев ыам ыйын 15 күнүгэр Магадаан уобалаһыгар үлэлиэҕэ.

Юрий Петрович Магадаан уобалаһын социальнай-экэнэмиичэскэй сайдыытын тула мунньахтары ыытыаҕа, ол иһигэр олохтоох салалтаны кытта Магадааҥҥа инфекционнай балыыһа тутуутун эмиэ кэпсэтиэхтэрэ. Маны таһынан кини барык арыытын оҥорон собуокка сылдьыаҕа.

Оробуочай сырыы иитинэн Магадаан уобалаһын губернаторын Сергей Носовы кытта Юрий Трутнев Тенькинскэй куораттааҕы уокурукка Тэутэджак сир баайдаах сиргэ кэмбинээт аһыллыытыгар сылдьыаҕа. Бу сиртэн быйыл 56 туонна кыһыл көмүһү хостуур былаан баар.