Алексей Тартыев: «Сахабыт сирэ сайдарыгар улахан болҕомто ууруллар»

Бэҕэһээ СӨ Ил Дархана Айсен Николаев Владимир Путины кытта видео-сибээс нөҥүө кэпсэппитэ. Бу туһунан бэйэтин санаатын Ленскэй оройуонун Орто-Наахара нэһилиэгин баһылыга Алексей Тартыев санаатын үллэстэр:

— Бэҕэһээ видео-сибээс нөҥүө Ил Дархаммыт Айсен Николаев Владимир Путины кытта кэпсэппитэ. Бу кэпсэтиини олус диэн киэн тутта, астына иһиттим. Ил Дархан  Сахабыт сирэ стратегическай сайдыытын уонна киэҥ былааннары бигэргэттэ. Чахчы, Ленскэй оройуонугар олус элбэх тутуу үлэтэ бара турарын биһиги, олохтоохтор бары билэбит. Ол курдук баараҕай көстүүлээх, үрдүк саҥа дьиэлэр сыл ахсын дьэндэһэллэр. Хаарбах дьиэттэн көһөрүү бырагырааманан 2019-2025 сылтан оройуоммут киинигэр 123 000 кв.м дьиэ үлэҕэ киирэрэ былааннанар. Бүгүҥҥү күҥҥэ аҥаардара номнуо көһөн саҥа дьиэҕэ  олороллор.

2023 сылтан Сахабыт сиригэр иккис улахан 550 МВттаах Новеленскай ТЭС тутуута саҕаланна. Бу бырайыак үлэлээн олохтоох дьоммутугар эбии элбэх үлэ миэстэтэ тахсан, өрөспүүбүлүкэбит эрэ сайдыыта буолбакка, бүтүн Арассыыйа сайдыытыгар төһүү күүс буолар. Ил Дархаммыт Айсен Сергеевич дойдубут өссө күүскэ сайдарыгар элбэх хайысхалары түмэн Владимир Владимировичка этиилэри киллэрдэ. Биһиги Сахабыт сирэ сайдарыгар улахан болҕомто ууруллар.