Арассыыйа дьоруойа Александр Колесов оҕолору кытта көрүстэ

Бүгүн, алтынньы 25 күнүгэр, Дьокуускай куорат Юнармия киинигэр Арассыыйа дьоруойа Александр Колесовы кытта 26 №-дээх оскуола бэһис кылааһын оҕолоро көрүстүлэр.

Оҕолору юнармия хайысхатыгар куратордара Татьяна Николаевна Пен илдьэ кэлбит:

— Бу оҕолору мин бастакы кылаастан илдьэ сылдьыбытым. Төһө да билигин кинилэргэ кылаас салайааччыта буолбатаҕым иһин, кинилэри юнармия, патриотизм хайысхатыгар сүрүннүүбүн. Былырыын саамай эдэр юнармеецтар ааттарын ылбыттара. Бүгүн оҕолор Александр Гаврильевиһы кытта атах тэпсэн олорон сэһэргэһэллэрэ устуоруйаҕа хаалар күн.