Бүгүн сорох сиринэн этиҥнээх ардах кэмигэр тыал күүһүрүө

Бүгүн, бэс ыйын 26 күнүгэр, Уус Алдан, Таатта, Чурапчы, Уус Маайа, Алдан, Нерюнгри, Томпо, Өймөкөөн, Муома, Үөһээ Халыма улуустарыгар сорох сиринэн этиҥнээх ардах түһэрэ күүтүллэр. Этиҥнээх ардах кэмигэр   сөкүүндэҕэ 15-20 м. түргэннээх тыал түһэрэ сабаҕаланар.

Салгын температурата күнүс +25+30°С,  ардыыр кэмигэр киин, илин эҥээр улуустарыгар  +20+25°С,  хотугулуу-арҕаа +13+18°С, Халыма-Индигир оройуоннарыгар  +5+10°С кыраадыс буолуоҕа.