Дьокутааттар экология, сири туһаныы уонна тыа хаһаайыстыбатын тула «төгүрүк остуолга» кытталлар

Бүгүн Саха Өрөспүүбүлүкэтин муниципальнай тэриллиилэрин бэрэстэбиитэллээх уорганнарын дьокутааттарын иккис сийиэһин чэрчитинэн «Саха Өрөспүүбүлүкэтигэр экология, сири туһаныы, тыа хаһаайыстыбатын, Арктика зонатын,ОДьКХ уонна энергетика боппуруостара» диэн тиэмэҕэ «төгүрүк остуол» ыытылла турар.

Төгүрүк остуол аһыллыытыгар Александр Жирков тыл этэн, сийиэс суолтатыгар санаатын эттэ. Төгүрүк остуол кыттыылаахтарын РФ Федеральнай Мунньаҕын Судаарыстыбаннай Дууматын дьокутаата Галина Данчикова дьокутааттарга туһаайан РФ таһымыгар ылыллыбыт дьоһун суолталаах бырагыраамаларга тохтоото. Чуолаан, тыа хаһаайыстыбатын сирин-уотун кэлимсэ сайдыытын бырагырааматыгар Саха Өрөспүүбүлүкэтэ көхтөөхтүк үлэлээбитин бэлиэтээтэ. Галина Иннокентьевна урут хаһан даҕаны Хотугу дойдуга уонна Арктикаҕа сыһыаннаах Хотугу таһаҕаһы тиэйии туһунан Сокуон ылылла илигин, манна бары күүскэ үлэлээбиттэрин, чуолаан Айсен Сергеевич Николаев күүскэ туруорсубутун бэлиэтээтэ.

Салгыы өрөспүүбүлүкэ экологияҕа миниистирин бастакы солбуйааччы Джулустан Хон дакылаатын дьокутааттар истэллэр.

Бүгүн «төгүрүк остуолга» 140 дьокутаат кыттар.