Дьокуускайга наркотигынан эргинэр дьону туттулар

Бу күннэргэ Дьокуускайга СӨ сэрэхтээх буолуу Федеральнай сулууспатын управлениетын үлэһиттэрэ наркотигынан эргинэр дьону туттулар. Бу туһунан управление пресс-сулууспата иһитиннэрэр. 

Ол курдук, суһал-ирдэбил үлэ түмүгүнэн 1992, 1996 уонна 2002 сыллаах төрүөх дьонтон 400 дуозалаах синтетическэй наркотиктары былдьаатылар. Бэлиэтээн суруйдахха, синтетическэй наркотиктар манна ылларбыт дьоҥҥо быһаарыллыбат аймалҕаны, кутталы үөскэтиэн сөп. Ону таһынан мэйиилэригэр куһаҕаннык дьайар, инфаркт, инсульт курдук ыарахан ыарыыларга тиэрдэр.

Сокуону кэһэн туран наркотигы тарҕатыы иһин Арассыыйа Федерациятын холуобунай кодексатын  228 ыст. 5 ч. холуобунай дьыала тэриллибит. Наркотигынан эргинээччилэр тутуллан суут уурааҕа тахсыар диэри хаайыллыбыттар.