Саҥа киоск үөрүүлээх аһыллыытыгар СӨ урбаан, атыы-эргиэн уонна  туризм  миниистирэ  Тимур Ханды  уонна СӨ инновацияҕа, цифровой сайдыыга уонна  инфокоммуникационнай  технологияҕа миниистиирин солбуйааччытын эбээһинэһин толорооччу Александр Федотов кытыннылар диэн yakutia24.ru саайт суруйар.

Миниистир Тимур Ханды киоск аһыллыытыгар:

-“Горпечать” саҥа киоската Дьокуускай куорат дизайн-куодун  иитинэн тутулунна.  Бу маннык киоскалар үгэскэ кубулуйбут сонуну киэҥник тарҕатар ситимнэр  үлэлэригэр көмө-тирэх буолаллар. Биһиги билигин  цифровой  технологиялар кэмнэригэр олоробут, сонуннар интэриниэтинэн кэлэллэр. Ол гынан баран аҕам саастахтар   уонна биһиги көлүөнэ дьон үгүс информацияны  хаһыаттан, сурунаалтан, кинигэттэн ыла үөрүйэхпит.  Аҕам саастаахтар хаһыаттары куруук атыылаһаллар. «Азия оҕолоро» норуоттар икки ардыларынааҕы спортивнай оонньуулар  иннилэригэр маннык аныгылыы тутуулаах эбийиэктэр баар буолбуттара, куораты ордук тупсараллар, — диэтэ.

СӨ инновацияҕа, цифровой сайдыыга уонна  инфокоммуникационнай  технологияҕа миниистиирин солбуйааччытын эбээһинэһин толорооччу Александр Федотов  бэчээт  таһаарыыларын  50%  хаһыат киоскаларын нөҥүө атыыланалларын бэлиэтээн  эттэ.

Үөрүүлээх сиэр-туом кэнниттэн  «Горпечать» дириэктэрэ  Саргылана Жиркова  киоск иһин кэлбит дьоҥҥо көрдөрдө. Хаһыаттар, сурунааллар таһынан, киоскаҕа араас сувенирдар, кинигэлэр уо.д.а. табаардар атыыланаллар.  Сиһилии манна ааҕыҥ https://yakutia24.ru/stolitsa/v-yakutske-otkryli-gazetnyj-kiosk-gorpechati