Нам Түбэтигэр Быыһыыр сулууспа кэтиир-быыһыыр пуоha аһылынна

Нам улууһун Түбэ нэһилиэгэр СӨ Быыһыыр сулууспатын кэтиир-быыһыыр пуоһа аһылынна. Саҥа тутуу 100 кв.м. иэннээх. Манна быыһааччылар быыстала суох үлэлииллэригэр анаан бары усулуобуйа тэрилиннэ.

СӨ гражданскай оборуонаҕа миниистирэ Дмитрий Лепчиков иһитиннэрбитинэн, саҥа кэтиир-быыһыыр пуос үлэһиттэрэ үс оройуон сиригэр-уотугар үлэлиэхтэрэ: Кэбээйигэ, Намҥа уонна Уус Алдаҥҥа. Кини быыһааччыларга «Соболь» массыына күлүүһүн туттарда.

СӨ Быыһыыр сулууспатын начаалынньыга Иннокентий Андросов үлэҕэ наада буолар MYL 4х4 «AR-394» диэн снегоболотоход ыларга сэртипикээти туттарда.