Нерюнгрига Омулиннааҕы ууну оборторор носуостаах ыстаансыйаны уларытан тутуу иккис түһүмэҕэ ыытыллар

Ил Дархан Айсен Николаев Нерюнгрига Омулиннааҕы ууну оборторор носуостаах ыстаансыйаны уларытан тутуу иккис түһүмэҕин үлэтэ хайдах бара турарын бэрэбиэркэлээтэ.

“Нерюнгри куорат ууларын ханаала” АУо дириэктэрэ Евгений Холод иһитиннэрбитинэн, эбийиэккэ ыытылла турар бары былааннаммыт үлэлэр, ол иһигэр уларытан тутуу бастакы уонна иккис түһүмэхтэригэр турбалары уонна оборудованиелары таҥыы 100% оҥоһуллубуттар.

Носуостаах ыстаансыйа уларыта тутуллан баран, 2023 сыл күһүнүттэн үлэлии турар, ханнык да сэмэ суох. Бүгүн Нерюнгритааҕы куорат ууларын ханаала эбийиэк докумуонун оҥорууга үлэлиир. Уларытан оҥоруу кэмигэр носуос тээбиринин аныгы, уоту кыраны сиир оборудованиеҕа бүүс-бүтүннүү уларыппыттар. Машиннай саала турбаларын, арматураларын барытын уларыппыттар, уот оборудованиета эмиэ уларыйбыт, ол иһигэр саппаас быһыытынан аныгы Кэлим трансформаторнай хос ыстаансыйа уонна автоматическай дизельнэй генератор туруоруллубуттар.

Технологическай процеһы салайарга анаан автоматическай систиэмэни киллэрбиттэр, диэн иһитиннэрэр Ил Дархан уонна Бырабыыталыстыба пресс-сулууспата.