Саҥа дьылга дьон туох бэлэҕи ылыан баҕарар эбитий?

Сарсын номнуо Саҥа сылы көрсөр үөрүүлээх бырааһынньыкпыт үүнүө, тыл этиитэ, бэлэх бэрсиитэ тосхойуо. Быйыл дьон туох бэлэҕи тутуон баҕарар эбитий?

Дьонтон туоһулаһан көрдөрбүтүнэн, Арассыыйа олохтооҕун 48,5 % харчынан ылыан баҕарара биллибит. Дьиэҕэ туһалаах бытовой малы бэлэх ылыам этэ диэн 21,4 % киһи хоруйдаабыт. Ыйытыкка кыттыбыттартан 17,6  % көмүс киэргэл, 15 % гаджет, 10 % путевка, туристческай айан диэн эппит. Итинтэн арыый аҕыйах бырыһыана таҥас-сап, хоббига сыһыаннаах табаар, үөрэх өҥөтө уонна аралдьытар-сынньатар билиэт, сибэкки, арыгы диэн ыйбыт.

Элбэх киһи Саҥа дьылга таҥас уонна сувенир бэлэҕи тутуохпун баҕарбаппын, ол оннугар бэлэхтээбэтэхтэрэ ордук диэн хоруйдаабыттар.

Хаартыска: СИА.