Валентина Васильева: «Социальнай хантараак — бэйэ кыаҕын сайыннарыыга дьоһуннаах өйөбүл»
![](https://sakha-sire.ru/wp-content/uploads/2023/12/img-20231222-wa0247-1-900x596.jpg)
Саха Өрөспүүбүлүкэтин Ил Дархана Айсен Николаев сыл бүтүүтэ оҥорор Анал этиитин тустаах үлэлээх исписэлиистэр өрүү сэргии истэллэр.
СӨ Үлэ уонна социальнай сайдыы министиэристибэтин “Победа” Ресурснай киин социальнай үлэҕэ исписэлииһэ Валентина Васильева санаатын бу курдук үллэһиннэ:
— Ил Дархан Айсен Николаев Анал этиитэ биһиэхэ, социальнай хайысхаҕа үлэлиир дьоҥҥо, үлэбит соруктарын туруорууга сүрүн торум буолар. Ол курдук, өрөспүүбүүкүэ Аҕа баһылыга социальнай хантараак өйөбүлүн кээмэйин улаатыннарыы туһунан иһитиннэрбитин, биллэн турар, үгүс дьон биһирии иһиттэхтэрэ. Кинилэр бэйэлэрин кыахтарын туһанан, олохторун таһымын үрдэтиилэригэр бу өйөбүл төһүү күүһүнэн буолара сарбаҕа суох. Ордук Арассыыйаҕа биллэриллибит Дьиэ кэргэн сылыгар уонна Саха сиригэр – Оҕо сылыгар. Онон Ил Дархаммыт кэлэр сылтан социальнай хантараак сууматын икки төгүл үрдэтиигэ олус улахан суолталаах быһаарыныыны ылыныыта — үгүс элбэх оҕолоох уонна эдэр ыалларга, бэйэлэрин дьарыктарын сайыннарыан баҕалаах дьоҥҥо олохторугар сонун сүүрээни саҕалларыгар, кэскиллээх бырайыактары олоххо киллэрэллэригэр төһүү өйөбүлүнэн буолуоҕа. Биһиги тэрилтэбит бу соругу көдьүүстээхтик толорор инниттэн урбаан, тыа хаһаайыстыбатын, дьарыктаах буолуу салааларын уонна олохтоох дьаһалталары кытта биир ситимнээх үлэни тэрийиигэ анаан үлэлэһиэхпит.
Сообщить об опечатке
Текст, который будет отправлен нашим редакторам: