«Бүлүү» суолга ыарахан уйуктаах тиэхиньикэҕэ сырыы арылынна

Мииринэй улууһугар «Бүлүү» федеральнай суол 1242-1310 км учаастагар бу сыл бэс ыйын 17 күнүттэн улахан уйуктаах тырааныспардарга айан сырыыта арылынна.

Санаттахха, бу сыл ыам ыйын 24 күнүттэн Мииринэй улууһун «Бүлүү» федеральнай суол 1242 км  учаастагыттан 1310 км диэри ыарахан уйуктаах тиэхиньикэ сырыытыгар хааччахтар киирбиттэрэ. Быһаарыы сааскы халаан содулун туоратарга ылыллыбыта. Бу туһунан «Бүлүү» федеральнай суол управлениетын пресс-улууспата суруйар.

«Бүлүү» уонна «Халыма» федеральнай суоллар туруктарын туһунан «Бүлүү» федеральнай суол управлениетын  диспетчерскэй сулууспатын төлөпүөнүнэн билсиэххэ сөп: +7 (924) 593-80-28.