Александра Кривошапкина: «Элбэх оҕолонуу — дьол»

Дьахталлар аан дойдутааҕы күннэрин көрсө, элбэх оҕолоох ийэлэргэ судаарыстыбаннай наҕараадалары туттардылар.

Александра Кривошапкина, 8 оҕолоох ийэ, Нам улууһа:

— «Ийэ Албан аата» 2-с истиэпэннээх мэтээлин тутан, үөрэн-көтөн турабын. Элбэх оҕолоохпутуттан киэн туттабыт: түөрт уол, түөрт кыыс. Оҕолорбутун барыларын сахалыы иитэбит, бары сахалыы ааттаахтар. Саха дьонун сиэринэн, бэйэбит холобурбутунан, үлэнэн иитэбит. Дьиэҕэ бары эбээһинэстээхтэр.

Быйыл улахаттарбыт — игирэлэр оскуоланы бүтэрэллэр. Онон эппиэтинэстээх сыл. Элбэх оҕолонуу диэн дьол буоллаҕа.  Судаарыстыба өттүттэн көмө баара олус үчүгэй, — диэн кэпсээтэ.