АБДь кыттыылаахтарыгар Саха сириттэн 45 аадырыстаах баһыылка тиэрдилиннэ

Анал байыаннай дьайыы зонатыгар Саха сирин тирэх пууннарын үлэһиттэрэ нэдиэлэ иһигэр 11 төгүл тахса сырыттылар. Өрөспүүбүлүкэттэн кэлбит 45 аадырыстаах баһыылка байыаннайдарга тиэрдилиннэ.

Бу туһунан бүгүн брифиҥҥэ анал байыаннай дьайыы зонатыгар Саха сирин тирэх пууннарын сүрүн координатора, «Юстас»  иһитиннэрдэ.

«Тирэх пууҥҥа Саха сириттэн өссө 147 аадырыстаах баһыылка кэллэ. Билигин тус састааппыт Норуот сомоҕолоһуутун күнүгэр анаммыт бэлэхтэри түргэнник тиэрдэр үлэни ыытарга бэлэмнэнэр», — диэн кини эбэн эттэ.

«Юстас» кэпсээбитинэн, тирэх пуун өрөмүөннүүр бөлөҕүн мэхээньиктэрэ үс байыаннай тиэхиньикэни үлэҕэ киллэрдилэр.

«Исписэлиистэр өссө түөрт массыынаны өрөмүөннүүр үлэтин ыыталлар», — диэн кини бэлиэтээтэ. Кини фроҥҥа сураҕа суох сүппүт өрөспүүбүлүкэ байыаннайдарын көрдөөһүн тохтоло суох ыытылларын эттэ.

«РФ Оборуонатын министиэристибэтин Координационнай киинин бэрэстэбиитэллэрин кытта бииргэ үлэлэһэн, сураҕа суох сүппүт байыаннайдарбытын булууга уонна идентификациялааһыҥҥа наадалаах бары миэрэлэр ылыллыахтара», — диэн «Юстас» брифиҥи түмүктээтэ.

Санатан эттэххэ, АБДь кыттыылаахтарыгар көмөнү Саха Өрөспүүбүлүкэтин Ил Дархана Айсен Николаев салайар «Бииргэ — Кыайыыга!» өрөспүүбүлүкэтээҕи хамыыһыйа хааччыйар.

Саха Өрөспүүбүлүкэтин Ил Дарханын уонна Бырабыыталыстыбатын пресс-сулууспата