Дьокуускайга үөрэх эйгэтигэр ыытыллыбыт үлэ дьаарбаҥкатын түмүгүн таһаардылар

Бэҕэһээ Ф.И. Авдеева аатынан Оҕо айымньытын дыбарыаһыгар педагогическай үлэһиттэр вакансияларын дьаарбаҥката буолан ааста. Дьокуускай куораттааҕы үөрэх управлениета иһитиннэрэринэн, барыта 35 тэрилтэ кыттыбыт.

Дьаарбаҥкаҕа сүүстэн тахса үлэ көрдүүр педагог, устудьуон кытынна. Кэлбит дьон баар вакансиялар туһунан иһитиннэрии ыллылар, үлэ биэрээччини кытта кэпсэттилэр, миэстэтигэр кылгас сэһэргэһиини аастылар. Тэрээһин түмүгүнэн 48 киһи салгыы үлэҕэ киирэр туһунан кэпсэппит.

Дьокуускайдааҕы педагогическай кэллиэс үүнүүгэ-сайдыыга киинин салайааччыта Парасковья Фадеева устудьуоннар үөрэнэр кэмнэригэр үлэ көрдүүллэрин бэлиэтээтэ: “Биһиги өссө үөрэнэ сылдьан үлэ булалларыгар көмөлөһөр инниттэн педагогическай кэллиэс үөрэхтэрин бүтэрээри сылдьар устудьуоннары ыҥырбыппыт.  Үөрэх дуальнай көрүҥэ үөрэҕи уонна үлэни тэҥҥэ дьүөрэлиири, быраактыка өртүгэр уопутуралларын көҥүллүүр. Эдэр дьон үлэҕэ улахан интэриэстээхтэр уонна Дьокуускай куорат үөрэҕин кыһаларыгар хааларга дьулуһаллар”, – диэн эттэ.