«Айылҕаҕа сылдьар курдук үчүгэй суох!»: Өлөөн дьахталлара муус аннынан балыктыыллар

Бу күннэргэ хоту дойду үгүс олохтоохторо кыстыыр балыктарын булунаары, айахтарыгар сииллэригэр анаан муус аннынан балыктыыллар. Ким бэйэтин ыраах учаастагар олорон, сорох чугас эргин.

Дьэлиҥдэттэн төрүттээх Ольга Николаева Өлөөн улууһун булчут, иистэнньэҥ дьахталларыттан биирдэстэрэ. Кини баччаларга таах быар куустан олорбот.

Ол курдук, бу күннэргэ хоту дойду хоһуун дьахтара кэргэнин, эдьиийин уонна күтүөтүн кытта күөлгэ муус аннынан балыктаатылар.

Өлөөн өрүс таҥнары устар сиригэр Күүрэ диэн үрэх баар эбит. Ол утары баар күөл киэһээҥҥи күөстэригэр сөп буолары бэрсибит. “Хайа, уонна чэбдик салгыҥҥа сылдьар курдук туох үчүгэй баар буолуой!», — диир бэйэтэ да куруук айылҕаҕа сылдьар Ольга Ивановна.