ВИДЕО: Дьокуускайга нацбырайыагынан саҥардыллыбыт Ефимов уулуссата үлэҕэ киирдэ

Бүгүн, алтынньы 29 күнүгэр, Дьокуускай куорат Губинскай уокуругар саҥардыллыбыт Ефимов уулуссата үлэҕэ киирдэ. Бу суол аһыллыыта 203-с түөлбэ олохтоохторугар олус туһалаах түгэнинэн буолла.

Туох уларыйда?

• 203-с төүлбэттэн куорат киинигэр тиийэр.
• Чугас эргин уулуссаларга массыына сырыыта аҕыйыыра күүтүллэр.
• Ефимов уулуссатынан №3-дээх оптуобус сылдьар буолла.

Тутуу бу дьыл саҕаланыытыттан «РИК Автодор» АУ тэрилтэтинэн «Инфраструктура для жизни» нацбырайыак чэрчитинэн ыытыллыбыта. Билигин тутуу үлэтэ барыта түмүктэннэ.

Суол уопсай уһуна 650 миэтэрэ: Ефимов уулуссата бэйэтэ (395 м) уонна Хабарова — Ярославскай — Чернышевскай — Ефимов быһа охсуулаах суол киинэ (254 м).

Саха сирин Тырааныспарга министиэристибэтэ иһитиннэрэринэн, быйыл нацбырайыак чэрчитинэн 6,9 килэмиэтирдээх 8 суол оҥоһуллубут. Өссө 5 суол оҥоһулла турар, 2027 сылга үлэҕэ киириэхтэрэ.

Санаттахха, уулусса Саха сирин сайдыытыгар сүдү кылаатын киллэрбит биллиилээх диэйэтэл Виктор Петрович Ефимов аатынан ааттаммыта.