Мэҥэ Хаҥалас улууһун олохтооҕо наркотигы сокуоннайа суох оҥоруу уонна харайыы иһин буруйданна

Мэҥэ Хаҥалас оройуонун суутун бириигэбэринэн, 47 саастаах олохтоох киһи улахан кээмэйдээх наркотигы сокуоннайа суох атыылаһан уонна харайан Арассыыйа Холуобунай кодексатын 228 ыст. 2 ч. буруйданна. Бу туһунан СӨ Сууттарын холбоһуктаах пресс-сулууспата иһитиннэрэр.

Суукка быһаарыллыбытынан, бу дьыл балаҕан ыйыгар сууттанааччы улуус биир нэһилиэгин таһыгар үүнэр көлөпүнэни хомуйбут. Билэр киһитин даачатын аттыгар кэлэн баран, полиция үлэһиттэрин көрбүт уонна дьиэ тиэргэнигэр сүүрэн тиийэн, наркотигы кистии сатаан, кууркатын сиэбиттэн көлөпүнэлээх бакыаты уонна бытыылкалаах кыраасканы убатар сурадаһыны эргэ сүүрбэккэ турар массыына анныгар бырахпыт.

Полиция үлэһиттэрэ тугу бырахпытын туһунан ыйыппыттарыгар, сууттанааччы бэйэтэ туттарыгар анаан хомуйбут көнөпүлэтэ уонна кыраасканы убатар сурадаһын буоларын билиммит. Суут кэмигэр сууттанааччы буруйун толору билиммит.

Буруйу оҥоруу уопсастыбаҕа кутталын уонна ыарын, буруйдаах киһи майгытын уонна дьыала чахчыларын учуоттаан, суут киниэхэ 3 сыл 6 ый болдьоххо усулуобунай миэрэни, 3 сыл тургутар болдьоҕу анаабыт. Суут бириигэбэрэ сокуоннай күүһүгэр киирэ илик.