Сэтинньи 5 күнүгэр Дьокуускайга «Норуот уонна аармыйа бииргэ!» улахан кэнсиэр буолуоҕа

Норуот сомоҕолоһуутун күнүн чэрчитинэн Дьокуускайга улахан патриоттуу тыыннаах кэнсиэр ыытыллар. Манна байыаннайдартан турар «Мы Есть Мы!» рок-бөлөх уонна «Девчата» ансаамбыл кыттыахтара.

Кэнсиэр сэтинньи 5 күнүгэр, киэһэ 17:00 чааска, М.К. Аммосов аатынан ХИФУ «Сэргэлээх уоттара» култуура киинигэр ыытыллар.

Кимнээх ыллыылларый?

• «Мы Есть Мы!» рок-бөлөх. Бу «Восток» байыаннай бөлөх хамаандата, манна дьиҥнээх сулууспалыыр офицердар ыллыыллар. Кинилэр Анал байыаннай дьайыы зонатыгар уонна саҥа территорияларга куруук кэнсиэрдииллэр. Бөлөҕү Илин байыаннай уокурук командующайын солбуйааччыта, генерал-лейтенант Роман Греков салайар.
• «Девчата» вокальнай-инструментальнай ансаамбыл.

Кэнсиэр Саха сиригэр төрдүс төгүлүн ыытыллар Фашизмы утары пуорум чэрчитинэн тэриллэр. Ырыалар Төрөөбүт дойдуга, байыаннай иэскэ, норуот уонна аармыйа сомоҕолоһуутугар ананыахтара. Кэнсиэргэ Саха сирин сүрүн үөрэх кыһаларын (СВФУ, АГАТУ, АГИКИ) устудьуоннара уонна куорат олохтоохторо ыалдьыттыахтара.

Санаттахха, Норуот сомоҕолоһуутун күнүгэр өрөспүүбүлүкэ үрдүнэн патриоттуу тыыннаах араас быыстапкалар, пуорумнар уонна аахсыйалар ыытыллаллар.