Аймаҕын дьиэтигэр олорон, матараас анныттан 50 тыһ.солк. уорбут эр киһи сууттаныа

Дьокуускай куорат 2-с №-дээх полициятын отделыгар олохтоох киһи дьиэтиттэн 50 тыһыынча солкуобайын уордарбытын туһунан үҥсүү түһэрбит.

Холуобунай ирдэбил  үлэһиттэрэ көрдүүр үлэ түмүгүнэн уоруйаҕы тута булбуттар. Кининэн эмсэҕэлээбит киһи бэйэтин 40 саастаах аймаҕа буолан тахсыбыт.

Силиэстийэ быһаарбытынан,  40 саастаах эр киһи биир кэмҥэ аймаҕын кыбартыыратыгар олоро сылдьыбыт. Дьиэҕэ соҕотоҕун хаалан баран, кини матараас анныгар кистэммит 50 тыһыынча солкуобай кумааҕы харчыны булан ылбыт. Уорбут харчытынан барытыгар арыгы атыылаһан испит.

Билигин бу киһиэхэ РФ Холуобунай кодексатын 58-с ыстатыйатын 2 чааһынан («Уоруу») холуобунай дьыала тэрилиннэ. Бу ыстатыйанан буруйдаах киһи 5 сылга диэри көҥүлэ быһыллыан сөп диэн ИДьМ пресс-сулууспата иһитиннэрэр.