Бырабыыталыстыба отчуота Үөһээ Халымаҕа ыытыллыаҕа

СӨ Экология, айылҕаны туһаныы уонна ойуур хаһаайыстыбатын миниистирэ Евгений Перфильев салайааччылаах оробуочай бөлөх Үөһээ Халыма оройуонугар тиийдилэр.

Бу туһунан Экология, айылҕаны туһаныы уонна ойуур хаһаайыстыбатын министиэристибэтэ иһитиннэрэр. Бүгүн, олунньу 17 күнүгэр киэһэ 17:00 чаастан СӨ Бырабыыталыстыбатын 2023 сыллааҕы үлэтин отчуота Үөһээ Халыма олохтоохторугар буолуоҕа. Түөрт хонук устата экология, айылҕаны туһаныы уонна ойуур хаһаайыстыбатын миниистирэ Евгений Перфильев салайааччылаах оробуочай бөлөҕө улуус бары нэһилиэктэригэр сылдьыаҕа.

Миниистр Евгений Перфильев салайар бастакы бөлөҕө отчуоту Үөһээ Халыма, Уһун Күөл уонна Угольнай  нэһилиэктэригэр ыытыаҕа. Оттон Бырамыысыланнас уонна геология миниистирин бастакы солбуйааччы Михаил Кириллин салайааччылаах иккис бөлөх Нелемнай и Утай нэһилиэк олохтоохторун кытта көрсүөҕэ. Улуустааҕы түмүк отчуот олунньу 19 күнүгэр Зырянкаҕа буолуоҕа.

Маны таһынан отчуот чэрчитинэн тэриллэр көрсүһүүлэргэ олохтоохтор тус интэриэһиргиир боппуруостарын быһаччы ыйыталаһыахтарын сөп.