Дьокуускайга Бүтүн Арассыыйатааҕы «Лыжня России» күрэс ыытыллыаҕа

Муус устар 6 күнүгэр Дьокуускайга Бүтүн Арассыыйатааҕы «Лыжня России»  хайыһарга күрэс өрөспүүбүлүкэтээҕи түһүмэҕэ саҕаланыаҕа.

Сыл ахсын сааскы кэмҥэ ыытыллар успуорт тэрээһинигэр кыттааччы ахсаана элбиир. Кыттааччылар икки дистанцияҕа күрэхтэһиэхтэрэ диэн СӨ Урбааҥҥа, эргиэҥҥэ уонна туризмҥа министиэристибэтэ иһитиннэрэр.

«Лыжня России» күрэс дойдуга эрэ буолбакка, тас дойдуларга эмиэ саамай элбэх кыттааччыларынан биллэр бөдөҥ тэрээһининэн ааҕыллар. Сыл аайы күрэхтэһиигэ 500 тыһыынчаттан тахса киһи дойду 70 эрэгийиэнигэр хаһыйарынан күрэхтэһэ тахсаллар. Күрэскэ ким баҕалаах, ону таһынан спорстменнар кыталлара көҥүллэнэр. Хайыһардьыттар сүүрүүлэрэ дойдуга 1982 сылтан саҕалаан ыытыллар.

Быйыл Саха сиригэр икки дистанция тэриллэр: 2006 с. төрүөх уолаттарга уонна кыргыттарга – 5 км, 2005 сыл төрүөх кыттыылаахтарыгар — 10 км уһуннаах. 18 үөһэ саастаах хайыһарынан сүүрүүгэ кыттыан баҕалаахтар быраастан ыспыраапкалаах эбэтэр эппиэтинэһи бэйэлэрэ тус илии баттааһыннарынан сүгэри туоһулуур буоллахтарына киирсэллэр. Оттон 18-тан кыра саастаахтар сүүрүүгэ быраастартан көҥүл ылан эрэ баран кыттыахтара.

Маассабай тэрээһиҥҥэ «Госуслуги» портал нөҥүө регистрацияланыахха сөп. Бүтүн Арассыыйатааҕы  «Лыжня России» хайыһарга күрэс Дьокуускайга муус устар 6 күнүгэр ыытыллыаҕа уонна салгыы Саха сирин араас улуустарынан буолуоҕа. Сүүрүүгэ кыттыы босхо.