Дьокуускайга чалбах диэн суох буолуоҕа

Дьокуускай куорат маастар-былааныгар сурулларынан, аны чалбах кыһалҕата суох буолуоҕа. Тоҕо диэтэххэ, маастар-былааҥҥа ардах уута сүүрэр канализацията оҥоһуллара былааннанар.

Саас, күһүн Дьокуускай омуна суох ууга уста сыһар. Уулуссалар оҥхой сирдэрэ чалбаҕынан туолаллар. Сатыы киһи сылдьара уустугурар. Бу боппуруос үгүс киһини долгутар.

Дьокуускай куорат баһылыга Евгений Григорьев иһитиннэрбитинэн, куораппытыгар уулуссалар 90% ууну аһардар ситимнэрэ суох. Куорат өрүс кытыытыгар намтал сиргэ турар, ууну аһардар сыырынньалара суох. Ол иһин дьиэлэр тиэргэннэрэ уунан туолар. «Ууну аһардар канализация ситимэ оҥоһулуннаҕына биирдэ балаһыанньа көнүө», — диэбит.

Ардах уутун аһардар канализация ууллубут хаары, ардах уутун аһардар куорат инженернай систиэмэтэ буолар. Бу уу-хаар барыта суол кытыытынан анал сиринэн сүүрэн хаалыахтаах.

РФ бэрэсидьиэнэ Владимир Путин куораппыт маастар-былаанын өйөөбүтэ, 2024 сыл тохсунньутугар бу былааны бырабыыталыстыба бэрэссэдээтэлэ Михаил Мишустин бигэргэппитэ. Маастар-былаан чэрчитинэн, 2030 сылга диэри өрөспүүбүлүкэҕэ улахан тутуулар ыытыллыахтара. Бу тутуулар истэригэр канализация ситимэ киириэҕэ.