Дьокуускайга оскуола оҕолоругар буулдьанан ытыыга турнир буолуоҕа

Алтынньы 31 күнүгэр Дьокуускайга анал байыаннай дьайыыга сылдьан өлбүт байыас Андрей Георгиевич Исаков («Кречет» позывнойдаах) сырдык аатыгар анаммыт буулдьанан ытыыга III-с Өрөспүүбүлүкэтээҕи аһаҕас турнир ыытыллыаҕа. Күрэхтэһиигэ 6–11 кылаас үөрэнээччилэрэ кыттыахтара.

Бу туһунан брифинг кэмигэр Саха сиринээҕи АБДь бэтэрээннэрин Ассоциациятын бэрэссэдээтэлэ Сулустаан Заболоцкай иһитиннэрдэ.

«Турнир үһүс төгүлүн ыытыллар, онтон өрөспүүбүлүкэ таһымыгар иккиһин. Билиҥҥи туругунан үөрэх тэрилтэлэриттэн 16 сайаапка киирдэ, уопсайа Дьокуускайтан уонна чугастааҕы улуустартан 20-чэ оскуола кыттара күүтүллэр», — диэн спикер бэлиэтээтэ.

Ассоциация салайааччыта  эппитинэн, тэрээһин успуорка уонна патриотическай иитиигэ эрэ сыһыаннаах буолбатах. Турнир сыала — АБДь зонатыгар байыаннай сорудахтары толоро сылдьан олоҕун толук уурбут байыаска дириҥ ытыктабыл  бэлиэтэ уонна кини аатын үйэтитии.

Сулустаан Заболоцкий кэпсииринэн, кэнники кэмҥэ Ассоциация патриотическай хабааннаах 9 тэрээһини тэрийбит. Дьокуускай оскуолаларыгар уонна «Патриот» ыччат киинигэр Хорсун быһыы уруоктара, Арассыыйа Дьоруойун уонна АБДь бэтэрээннэрин ыччаты кытта көрсүһүүлэрэ буолбуттар.

«Ону таһынан, фроҥҥа сылдьан уоппускаҕа кэлбит уолаттарга уонна АБДь бэтэрээннэригэр 9 саха быһаҕа үөрүүлээх быһыыга-майгыга туттарылынна. Биһиги тэрилтэбит ыччаты патриотическай тыыннаахтык иитиигэ уонна АБДь кыттыылаахтарын өйөөһүҥҥэ тиһиктээх үлэтин салгыыр», — диэн түмүктээтэ Сулустаан Заболоцкай.

Саха Өрөспүүбүлүкэтин Ил Дарханын уонна  Бырабыыталыстыбатын пресс-сулууспата.

Сиһилии: https://www.sakha.gov.ru/news/68198