Саха сирин оскуолалара “Оскуола бастыҥ остолобуойа-2026” күөн күрэскэ кытта сылдьаллар

Бу күннэргэ Краснодарга Бүтүн Арассыыйатааҕы «Оскуола бастыҥ остолобуойа-2026» күрэс буола турар.

Күрэскэ Арассыыйа 75 эрэгийиэнин бэрэстэбиитэллэрэ, ол иһигэр Саха сирин оскуолалара кытталлар.
Өрөспүүбүлүкэ аатыттан күрэс эрэгийиэннээҕи түһүмэҕин үс номинацияҕа кыайбыттара киирэллэр:

• — «Оскуола бастыҥ асчыта-2026» — Ньургуйаана Любомировна Колосова, В.П. Ларионов аатынан Майа орто оскуолатын асчыта;
• — «Куорат оскуолатын бастыҥ остолобуойа-2026» — П.И. Кочнев аатынан Тулагытааҕы орто оскуола (Дьокуускай к.);
• — «Тыа сирин оскуолатын бастыҥ остолобуойа-2026» — В.П. Ларионов аатынан Майа орто оскуолата (Мэҥэ Хаҥалас улууһа).

Кыттааччылар куорат уонна тыа сирин, мөлүйүөнүнэн нэһилиэнньэлээх куораттар оскуолаларын уонна оскуола асчыттарын идэтийбит маастарыстыбаларын үлэтин сыаналааһыны киллэрэн туран, түөрт номинацияҕа күрэхтэһэллэр.

Тэрээһин чэрчитинэн «Оскуола остолобуойа үөрэнээччи чэгиэн аһылыгын экосистиэмэтин быһыытынан» билим-быраактыка кэмпириэнсийэтэ эмиэ ыытыллар. Эспиэрдэр үөрэх тэрилтэлэригэр аһылыгы тэрийии, ол оҕо доруобуйатыгар дьайыытын уонна чэгиэн аһылык култууратын олоххо киллэриигэ оскуола эйгэтин оруолун туһунан ырытыһаллар. Күөн күрэс түмүгэ алтынньы 30 күнүгэр тахсар. Бу туһунан Үөрэх уонна билим министиэристибэтин пресс-сулууспата сырдатар.