Дьуһуурунай борокуруор: Алдаҥҥа гаас баллона эстэн икки киһи өлбүт

Саха сирин борокуратуурата ааспыт сууккаҕа өрөспүүбүлүкэ үрдүнэн 3 холуобунай буруй оҥоһуллубутун бэлиэтээтэ. Буруйу оҥоруулары силиэстийэлээһин борокуратуура хонтуруолугар тураллар.

Дьокуускай куорат олохтооҕо массыынатыттан «Наташа» гарааһа уоруллубутун туһунан сайабылыанньа түһэрдэ. Ону таһынан, бастакы куурус устудьуонуттан албыннаан 143 тыһыынча солк. уорбуттарын туһунан иһитиннэрии киирдэ.

Нерюнгри куоракка олохтоохтортон ититэр ситим  өҥөтүн иһин төлөммүт 930 тыһыынча солк. тахса суумалаах харчыны бэйэтигэр ылыммыт кассирга холуобунай дьыала тэрилиннэ.

Алдан оройуонун борокуратуурата «Прогресс» старателлэр артыалларын тиэргэнигэр токарнай сыахха гаас баллона эстибит түбэлтэтинэн бэрэбиэркэни саҕалаата. Саахал түмүгэр икки үлэһит (1971 уонна 1982 с.т.) өлбүттэр. Өссө биир 1984с.т. үлэһит балыыһаҕа киирбит.

Ааспыт сууккаҕа киһи өлүүнэн түмүктэммит суол быһылаана бэлиэтэммэтэ. Ол эрээри, уруулга итирик олорон массыынаны ыыппыт 4 суоппар тутулунна.