Арктикаҕа буурҕа, оттон Дьааҥыга — сэрэтии

Синоптиктар иһитиннэрэллэринэн, бүгүн, алтынньы 28 күнүгэр,  өрөспүүбүлүкэ үксүгэр кыралаан, оттон хоту улуустарга сорох сирдэринэн хаар түһэрэ күүтүллэр. Бу туһунан УГМС саайта суруйар. Тыала орто күүстээх, ол эрээри Арктика улуустарга күнүһүн сорох сирдэринэн сөкүүндэҕэ 15-20 миэтэрэҕэ тиийэ күүһүрүө, буурҕа түһүө.

Болҕойуҥ: Бүгүн түүн уонна сарсыарда Дьааҥы улууһугар салгыҥҥа буортулаах эттиктэр мунньулар күн-дьыл туруга үөскүүрэ сабаҕаланар.

Салгын температурата түүнүн -13-18°, былыта суох буоллаҕына -20-25° тымныы, оттон хотугулуу-илин уонна хотугулуу-арҕаа улуустарга -28-33° тиийэ тымныйыаҕа. Күнүһүн -10-15°, арҕаа уонна соҕуруу өттүгэр -3-8°, хотугулуу-илин, хоту -15-20° тымныы буолуоҕа.

Дьокуускай куоракка түүнүн -17-19°, күнүһүн -12-14° тымныы. Кыралаан хаардыыр, хотугулуу-арҕааттан сөкүүндэҕэ 1-5 миэтэрэҕэ тиийэ түргэннээх тыалырыа.