Владимир Путин, Александр Стубб уонна Йонас Гар Стёре Украина туһунан ыытыллыахтаах кэпсэтиилэри дьүүллэстилэр

Арассыыйа бэрэсидьиэнэ Владимир Путин Финляндия салайааччыта Александр Стуббу уонна Норвегия премьер-миниистирэ Йонас Гар Стёрены кытта төлөпүөнүнэн кэпсэттэ. Баһылыктар Абу-Дабига Украина туһунан ыытыллыахтаах кэпсэтиилэр сөбүлэҥнэрин өйөөтүлэр диэн Кириэмил пресс-сулууспата иһитиннэрдэ.

Кириэмил пресс-сулууспатын официальнай иһитиннэриитигэр олоҕурдахха, үс дойду салайааччылара сэтинньи ыйга Абу-Даби куоракка Арассыыйа, Украина уонна АХШ  үс өттүттэн кыттыылаах кэпсэтиилэрин ыытар туһунан ситиһиллибит сөбүлэҥи сэҥээрдилэр.

«Кэпсэтээччилэр сэтинньи бастакы аҥаарыгар Абу-Дабига Арассыыйа, Украина уонна АХШ икки ардыларыгар үс өттүттэн кыттыылаах кэпсэтиилэр сөргүтүллэллэрин туһунан ситиһиллибит сөбүлэҥи биһирээтилэр.

Бу кэпсэтиилэр, чуолаан, байыаннай дьайыы толору тохтотуллубутун кэннэ Арассыыйа уонна Украина куттала суох буолууларын хааччыйыы боппуруостарыгар ананыахтара», — диэн пресс-сулууспа иһитиннэрэр.