“Хомоҕой хоһооннуун холбоһон” сахалыы уус-уран ааҕыыны тэрийиэхтэрэ

Роман Дмитриев аатынан Олимпийскай эрэл училищетыгар Төрөөбүт тыл уонна сурук-бичик күнүгэр аналлаах дэкээдэ сылын аайы олус сэргэхтик ааһар. Эдэр спортсменнар төрөөбүт тылларын кэрэхсииллэр, сэҥээрэллэр.

Быйыл Ийэ тылга аналлаах интэриэһинэй тэрээһиннэр былааннаннылар. Олортон биирдэстэринэн “Хомоҕой хоһооннуун холбоһон” диэн дьиэ кэргэнинэн сахалыы уус-уран ааҕыы буолар.  Биһиги төрөппүттэрбит ыытар үлэбитигэр куруук кытталлар, өйүүллэр. Быйыл Арассыыйаҕа Дьиэ кэргэн сыла биллэриллибитинэн, сахалыы хоһооннору ааҕыыга төрөппүттэр оҕолорун кытта көхтөөхтүк кыттыахтара диэн эрэнэбит. Бу туһунан училище иитэр үлэҕэ салаата иһитиннэрэр.