Ньурба улууһугар кыыллары узилыахтара

Ааспыт саас Ньурба улууһун бэтэринээринэй учаастага дьиэ кыылларыгар аналлаах үс датчиктаах УЗИ аппараатын атыыласпыт. Бу аҕыйах хонуктааҕыта бэтэринээрдэри аппараакка хайдах үлэлииргэ үөрэппиттэр. Онон дьиэ кыылларын УЗИ-лаан саҕалыахтара.

УЗИ аппараата кыыл ис уорганнарын сиһилии көрөн кыыл туга ыалдьыбытын, тугу ыйыстыбытын быһаарар кыахтаах. Онон абыраллаах тэриллэннибит дэһэллэр Ньурба бэтэринээрдэрэ. Аныгы үйэҕэ түөрт атахтаах доҕотторбутун туохтара ыалдьыбытын иһиттэн быһаарарга туһалаах тэрил эбит.

Дьиэ кыыллара киһи үөйбэтэх-ахтыбатах өттүттэн арааһы ыйысталлара баар көстүү. Бу соторутааҕыта Орто Халыма куоската остуол үрдүгэр этибиэркэнэн оонньуу сылдьан ыстанаары алҕас 20 см этибиэркэни ыйыстан өлө сыспыта. Маннык түгэннэргэ УЗИ аппараата олус туһалаах.