Оҕолорго өрөспүүбүлүкэтээҕи куйуур күрэҕэ ыытыллыаҕа

Кулун тутар 29 күнүгэр Мэҥэ Хаҥалас улууһун Тараҕай нэһилиэгэр оҕолорго уонна ыччаттарга анаан  «Куйуур Фест» өрөспүүбүлүкэтээҕи куйуур күрэҕэ ыытыллыаҕа.

Тэрээһин  «Дети Манчаары» өрөспүүбүлүкэтээҕи уопсастыбаннай  тэрилтэ уонна  Тараҕай нэһилиэгин дьаһалтатын көҕүлээһиннэринэн, СӨ Үөрэҕириитин уонна билимин министиэристибэтин уонна Мэҥэ Хаҥалас улууһун дьаһалтатын өйөбүллэринэн ыытыллар.

Элбэх балыгы ылыыга,  бириэмэҕэ уо.д.а. хайысхаларынан саастарынан арааран бириистээх миэстэлэр олохтонуохтара.