Сунтаардааҕы норуот тыйаатыра саҥа испэктээги туруорда

Сунтаардааҕы норуот тыйаатыра саҥаттан саҥа испэктээги туруоран, дьон сэҥээриитин ылар. Ол курдук,  соторутааҕыта  «Үрүҥ көмүс иҥэһэ»  испэктээги уонна   А.И.Софронов -Алампа «Таптал» драматын туруорбуттара. 

Билигин тыйаатыр  Алампа «Олох дьэбэрэтэ» драматын дьон көрүүтүгэр таһаараары сылдьар.  Режиссер Динислам Тууйас туруоруута. Кини филосовскай толкуйдаах, ураты көрүүлээх, эдэр киһи диэтэххэ, театральнай постановканы туруоруу ньыматын толору баһылаабыт режиссер буолар.

Киһини толкуйдатар, угуйар уонна билиҥҥи кэмҥэ олус тоҕоостоох айымньы сүрэхтэниитэ кулун тутар 4 күнүгэр буолуоҕа диэн улуус дьаһалтатын пресс-сулууспата иһитиннэрдэ.