12 ойуур баһаара умуруорулунна

Саха сирин сиригэр-уотугар 12 ойуур баһаара (уот хаппыт уопсай иэнэ 8 221 га) умуруорулунна.

Бу туһунан СӨ экологияҕа, айылҕаны туһаныыга уонна ойуур хаһаайыстыбатыгар миниистири солбуйааччы Андрей Коноплев иһитиннэрдэ.

Этиллибитинэн, суукка саҕаланыытыгар 41 ойуур баһаара баара бэлиэтэммит. Уот хаппыт уопсай иэнэ 39 149,5 га. Ойуур баһаардара Алдан, Амма, Үөһээ Бүлүү, Горнай, Эдьигээн, Орто Халыма, Мэҥэ Хаҥалас, Мииринэй, Нерюнгри, Кэбээйи, Таатта, Томпо уонна Уус Маайа оройуоннарыгар бэлиэтэнэллэр. Ойуур баһаардарын умуруорууга 524 киһи, 28 тиэхиньикэ үлэлиир.

—Бэҕэһээ видеонан кэтээн көрүү көмөтүнэн күнүс 14.00 ч. Бүлүүлүүр суол 39-с км ойуур баһаара көстүбүтэ. Бу баһаар 23:00 чааска (20 га кэриҥэ иэннээх) бохсуллубута, — диэн Коноплев бэлиэтиир.

Сиһилии: https://www.sakha.gov.ru/news/56506

СӨ Ил Дарханын уонна Бырабыыталыстыбатын пресс-сулууспата