Ыһаарыламмыт уонна уларытан оҥоһуллубут аһылык тыҥаҕа буортулаах буолуон сөп

Ыһаарыламмыт уонна уларытан оҥоһуллубут аһылык тыҥаҕа буортулаах буолуон сөп. Бу туһунан Food & Function сурунаалга тахсыбыт чинчийиигэ этиллэр.

Учуонайдар кутуйахтарга буортулаах аһылыгы биэрэн, эспэримиэн ыытан көрбүттэр. Маннык аһылыгы сиэбит кутуйахтар тыҥалара эмсэҕэлээбит уонна системнай иһии (воспаление) бэлиэлэрэ көстүбүттэр.

Маны таһынан, тыҥаҕа баар бактыарыйа састааба уларыйбыт. Патогеннай микроорганизмнар ахсааннара элбээбит, оттон иммунитеты хонтуруоллуур бактериялар аҕыйаабыттар. Ону таһынан, чинчийээччилэр тыҥаҕа бэссэстибэ атастаһыытыгар  кэһиллиилэри арыйбыттар. Онон ыһаарыламмыт уонна уларытан оҥоһуллубут аһылыгы өр кэмҥэ сиэтэххэ киһи тыҥатыгар куһаҕаннык дьайыан сөп диэн сабаҕалаабыттар.