15 улууска оттук сезона саҕаланна

2026-2027 сыллардааҕы оттук сезона Саха сирин 15 оройуонугар саҕаланна. Атын муниципальнай тэриллиилэргэ күн-дьыл туругуттан көрөн ититиини биэриэхтэрэ.

Бу туһунан СӨ Бырабыыталыстыбатын Бэрэссэдээтэлин бастакы солбуйааччытын э.т. Николай Бочков ыыппыт өрөспүүбүлүкэ кыстыкка бэлэмнэниитин туһунан мунньаҕар иһитиннэрдилэр.

Ититиини Аллайыаха, Анаабыр, Аллараа Халыма, Өлөөн, Булуҥ, Орто Халыма, Абый, Дьааҥы, Муома, Усуйаана, Эбээн Бытантай, Эдьигээн, Үөһээ Халыма, Горнай улуустарыгар биэрбиттэр. Уус Маайа оройуонугар Солнечнайга холбообуттар.

СӨ ОДьКХ уонна энэргиэтикэтин миниистирэ Вячеслав Емельянов этэринэн, оттук сезонугар бэлэмнэнии чэрчитинэн, тэрилтэлэр өрөмүөннүүр бырагыраамалара 78% туолбут. Навигация чэрчитинэн 523,6 тыһ.туонна уматык-энэргэтиичэскэй ресурсаны тиэйии былааныгар 344 тыһ. туонна, ол эбэтэр 65% тиэйиллибит, 213,2 тыһ. туонна, эбэтэр 40% аҕалыллыбыт.

Мунньахха социальнай эбийиэктэр бэлэмнэрин туспа көрдүлэр. Үгүс оскуолаларга, уһуйааннарга уонна эбии үөрэх тэрилтэлэригэр ититии сезонугар бэлэмнэнии үлэлэр түмүктэнэллэрэ чугаһаабыт.

Мунньахха энергияны кэмчилээһин боппуруостарын эмиэ дьүүллэстилэр. Николай Бочков СӨ Ил Дархана Айсен Николаев бүддьүөт тэрилтэлэрин уот ресурсаларын учуоттуур прибордарынан сүүс бырыһыан хааччыйарга сорудаҕын санатта. Бу туһунан СӨ Ил Дарханын уонна Бырабыыталыстыбатын пресс-сулууспата суруйар.

Сиһилии: https://www.sakha.gov.ru/news/61560